A Casa do Rock é unha empresa de formación e produción musical.

Dispoñemos dunha escola de música moderna especializada en música rock, un estudio de gravación, tenda de instrumentos musicais e selo discográfico, unha formación de profesores para concertos didácticos e organizamos eventos musicais. 

Naceu co obxectivo de ofrecer unha formación de calidade e os servizos necesarios para axudar ós músicos afeccionados, a labrarse unha carreira no mundo da música. A nosa filosofia principal é que se pode aprender sen deixar de disfrutar da música.

Alén diso, ACDR é unha rede de persoas apaixonadas da música e do ensino. 

Como xurdiu A Casa do Rock?

ACDR nace no 2011 da asociación de dous músicos e mestres galegos coa aspiración de crear un espazo no que poder aprender e divertirse desde o primeiro día a través da música e da práctica e onde puidesen contaxiar o seu gusto pola música co xogo e coas experiencias directas; un lugar no que ensinarlles tanto ás persoas afeccionadas que devecían por tocar os seus temas favoritos como un pasatempo como a aquelas que buscaban poder tocar profesionalmente nun grupo no seu futuro laboral. 
O noso obxectivo: pasalo ben aprendendo e aprender tocando. 

Como traballamos? 

A nosa ética de traballo é que aprender é un pracer, non unha obriga. ACDR traballa cunha filosofía versátil baseada nos gustos e nos intereses musicais de cada alumna ou alumno, polo que adaptamos o programa lectivo e a dinámica das clases á nosa razón de ser, o alumnado, pero sempre asegurándonos de que a selección dos programas vaia cubrindo os aspectos técnicos precisos para o seu progreso persoal. 

Quen hai na Casa do Rock?

Un equipo composto por persoal especializado en música, aspectos técnicos e pedagoxía que comparten unha visión común e unha vida profesional vencellada á música. A rede docente de ACDR fai un seguimento detallado do alumnado e acompáñao no descubrimento de novas destrezas, harmonías e mesmo de mundos musicais. 

A Casa do Rock

Org chart

Teams

Offices

A Casa do Rock

Org chart

Teams

Offices

Related companies