ATV është projekt medial i themeluar nga “Media Invest”.
Me një ekip të dëshmuar në fushën e medias, me skemë programore shumë dimensionale, ATV do të kultivojë standarde të larta profesionale, duke raportuar nga Kosova, rajoni dhe bota.

ATV-ja, si projekt i “Media Invest”, do të zhvillohet dhe do të funksionojë në ambiente gjigante, mbi themelet e Kolegjit AAB, i cili nëpërmjet Fakultetit të Komunikimit Masiv dhe Gazetarisë, për 20 vjet me radhe,̈ u ka dhënë mediave në Kosovë profesionistë të spikatur dhe të përkushtuar, të cilëẗ kanë lënë gjurmë në fushën e mediave në vendin tonë.

Investimet në teknologji janë bërë në bashkëpunim me ekspertët më të mirë në fushën e medias. Si rezultat i kësaj, ATV-ja do të transmetojë nëpërmjet teknologjisë së fundit dhe më cilësoren në tregun mediatik në rajon dhe më gjerë.

Skema programore e këtij televizioni do të jetë shumëdimensionale dhe do të ngërthejë tema që kanë ndikim direkt në jetën e qytetarëve në Kosovë, rajon dhe më gjerë, pra ATV-ja do të jetë KUDO.

Me një ekip profesional, entuziast dhe të gatshëm për sfida të reja, ATV-ja do t'ï orientojë energjitë e veta në kultivimin e politikës redaktuese të pavarur, objektive dhe në promovimin e vlerave më të çmuara të vendit dhe shoqërisë sonë.

Mbi themele të forta të dijes dhe profesionalizmit, ATV-ja synon të jetë në qendër të betejës për të vërtetën.

ATV LIVE

Org chart

Teams

Offices