BM Vallá hefur hátt í 70 ára sögu og gegnir fyrirtækið forystuhlutverki í framleiðslu á steypu- og múrvörum fyrir íslenskan byggingariðnað. Framleiðslan byggir á þekkingu, reynslu og gæðum sem endast og standast ítrustu álagsprófanir við íslenskar aðstæður.  

Umhverfismál og sjálfbær nýting auðlinda er rauður þráður í starfseminni og hefur BM Vallá sett sér það metnaðarfulla markmið að verða umhverfisvænsti steypuframleiðandi landsins. Markvisst er stefnt að starfsemi og steypuframleiðsla BM Vallár verði kolefnishlutlaus árið 2030.  

Starfsemin er fjölbreytt en BM Vallá starfrækir sex starfsstöðvar á landinu, þar á meðal steypustöð, múr- og helluverksmiðju, húseininga- og smáeiningaframleiðslu ásamt því að söluskrifstofur eru á fjórum stöðum. Einnig eru starfræktar tvær rannsóknarstofur þar sem fara fram prófanir, rannsóknir og þróun á eiginleikum framleiðslunnar.

BM Vallá

Org chart

Teams

Offices