I themeluar në vitin 2017 në Gjilan të Republikës së Kosovës, misioni i Dautti është të ndihmojë të rinjtë dhe të rejat nga shoqëria shqiptare që të mësojnë më të rejat nga teknologjia e informacionit dhe komunikimit (TiK). 
Praktikat tregojnë se një student modern preferon të mësojë përmes mënyrave të shumëfishta, si për shembull:
· mësimi në linjë me ritëm të pavarur,
· trajnimi i udhëhequr nga instruktori në platformën virtuale, 
· përvoja praktike përmes ushtrimeve, dhe
· mentorim. 
Ndaj, për të kënaqur kërkesat moderne të nxënies së mësimit, Dautti synon të ofrojë platformën virtuale të trajnimeve në linjë përmes internetit e cila personalizon dhe individualizon trajnimet. Duke punuar drejt këtij vizioni, ne ofrojmë trajnimet nga programet e trajnimeve të teknologjive si European Computer Driving License (ECDL), Microsoft Office Specialist (MOS), Cisco, CompTIA dhe Microsoft që pjesëmarrësve të trajnimeve u ofrojnë njohuritë e nevojshme për të gjetur punën e preferuar.
Duke u bazuar në moton “nga komuniteti për komunitetin”, Dautti përmes aktivitetit të përgjegjësisë sociale do të ndajë 2.5 përqind nga çdo trajnim i ofruar. Përmes këtyre mjeteve materiale, Dautti ka për qëllim ta përkrahë komunitetin me aktivitetet si:
· përkrahje e nismave të reja zhvillimore, 
· përkrahja e programeve edukative, 
· donacione, dhe
· bamirësi.

dautti

Org chart

Teams

Offices