”Energy Solutions” MMC  2020-ci ildən fəaliyyət göstərir və əsas fəaliyyət istiqaməti neft-qaz yataqlarının effektiv işlənməsini təmin etmək üçün zəruri laboratoriya tədqiqatlarının aparılması, yatağı xarakterizə edən göstəricilərin (kollektor xüsusiyyətləri, litoloji petroqrafik tərkibi, flüid parametrləri və s.), uzun müddət istismar edilən quyularda quyudibi zonanın çirklənmə səbəbini təyin etməklə müvafiq tədbirlərin görülməsi, şlam və su nümunələrinin kompleks tədqiqatı, lisenziya əsasında tikintisinə icazə tələb olunan bina və qurğuların kompleks mühəndis-axtarıç işlərinin həyata keçirilməsi, geokimyəvi və geofiziki tədqiqatların aparılması, alınmış nəticələrə əsasən kəsiliş, profil və xəritələrin qurulması iş proqramının hazırlanması və digər bu tipli işlərdir.
    Tərəfimizdən hazırlanmış və patentləşdirilmiş sistem və metod istismarda olan quyuların istismar dövründəki vəziyyətini və uzun illər istismardan sonra istismar həcminin azalma səbəblərinin öyrənilməsi və istismar həcminin artırılması üçün müvafiq tədbirlərin görülməsi, laborator şəraitində sınaq işlərinin aparılması üçün nəzərdə tutulub. Avadanlığın əsas iş prinsipi layın modelini yaratmaq və laydakı mühiti laboratoriya şəraitində formalaşdırmaqdır. Bundan sonra həmin laydan və ya ona yaxın olan sahələrdən götürülmüş nümunələri lay şəraitində yerləşdirmək və müvafiq sınaq işlərini aparmaq, nümunənin quruluşunda, fiziki-mexaniki xüsusiyyətlərində və litoloji tərkibində baş verən dəyişmələri öyrənməkdir. Avadanlıqda laydakı temperaturu (30-150°C ), təzyiqi (50-650atm.) və nümunənin layda sıxılma təzyiqini yaratmaq mümkündür. Tədqiqatın tələbindən asılı olaraq müxtəlif maddələrdən və təsir üsullarından istifadə edilir. 
  Hal-hazırda Respublikamızda bu istiqamətdə ixtisaslaşmış SOCAR daxili müəssisələrin, Azneft  İB-nin, Azərsu ASC-nin və ölkəmizdə fəaliyyət göstərən bu kimi digər şirkətlərin sifarişini şirkətimizə məxsus müasir tipli avadanlıqlardan istifadə etməklə yerinə yetiririk.

Energy Solutions MMC

Org chart

Teams

Offices