Somos unha Cooperativa Sen Ánimo de Lucro que entende a EDUCACIÓN coma un proceso lento de artesanía: orixinal, cheo de afectividade, de tempo investido e de pequenos detalles. 

Unha acción de transformación social que nos fai estar en constante proceso de mellora e aprendizaxe, tanto persoal como colectivamente. Unha actividade pedagóxica e política que coloca no centro as necesidades e o benestar das persoas e da natureza que habitamos. Este benestar persoal e social fainos conscientes da nosa vulnerabilidade e co-dependencia das demais persoas e do noso medio, e abre a posibilidade de tecer redes e xerar interaccións na construcción da xustiza social e ambiental.

Desde Feitoría Verde estamos traballando nas nosas propostas para adaptalas ás circunstancias, incorporando as novas tecnoloxías cando son necesarias, coa vista posta todo tempo no noso obxectivo común: seguir creando procesos de aprendizaxe colectivos.

¿QUE FACEMOS?
🌿  Educación ambiental
Ferramenta imprescindible para a dinamización social e a potenciación da capacidade de participación das persoas e dos colectivos, cuestión de base e imprescindible se queremos mellorar as nosas relacións co medio.

🫂  Educación social
Educación TRANSFORMADORA favorecendo espazos de participación a través de obradoiros, formacións, acompañamento de grupos e persoas.

🧩  Participación cidadá
Cremos na necesidade de habilitar mecanismos de deliberación equitativa e inclusiva, desenvolvendo técnicas que permitan unha implicación activa e satisfactoria das persoas participantes.

🏳️🌈  Igualdade
Apostamos pola transformación das sociedades sexistas, racistas e clasistas nas que vivimos, construíndo alternativas a través da prevención e xestión das violencias. Adquirindo aprendizaxes que nos leven ao desenvolvemento do bo trato e a colocación dos coidados no centro da vida e das relacións.

Feitoría Verde

Org chart

Teams

Offices

Feitoría Verde

Org chart

Teams

Offices

Related companies