Идејата за создавање на финансискиот портал Пари се роди од потребата за постоење на магазин кој ќе ја дава реалната слика за македонскиот бизнис. Целта ни е содржината која се генерира да е базирана на квалитетни, прецизни и корисни информации преку која ќе се влијае кон создавање на поефикасно и високо продуктивно општество. 

Приказната што Аналитика Медиум ја раскажува преку порталот Пари содржи ексклузивни податоци кои говорат за тоа како се развива и како се одржува македонскиот бизнис, а исто така нуди и насоки за тоа како тој да биде подобар во иднина. После една година постоење и секојдневна работа, растеме во реномиран бренд кој станува симбол за квалитет и кој го поттикнува економскиот развој преку медиумска, корпоративна и едукативна промоција. 

Аналитика Медиум e пријател на приватните компании, но и на државните институции со тоа што првично информира за бизнис-настаните во Република Македонија, а потоа ќе има за цел да прави општо добро, односно има за цел да ја подобрува економијата во државата.

Предноста на Аналитика Медиум е искуството на нејзините партнери, нивните ексклузивни и уникатни информации кои би сакале да бидат достапни за граѓаните преку содржините на порталот Пари. Аналитика Медиум нема да објавува политички текстови, иако сме свесни за тоа дека бизнисот и политиката се тесно поврзани.

За ефикасно спроведување на целите на порталот Пари, Аналитика Медиум, склучи партнерство со Таргет Груп ДОО које е искусна компанија во делот на анализите, деловните информации и истражувањата. Исто така, во својот тим  има внатрешни и надворешни експерти од секоја област кои со една иста мисија ќе ја водат приказната на Аналитика Медиум до остварување на своите цели и остварување на визијата на магазинот.

Аналитика Медиум става акцент на успехот, напредокот, анализите,  бизнис-компарациите со компаниите од поразвиените земји, на младите и нивното насочување во светот на бизнисот колку тие можат да создадат за себе и за нашето општество.

Pari.com.mk

Org chart

Teams

Offices

Pari.com.mk

Org chart

Teams

Offices

Related companies