«Շիրակացու ճեմարան» միջազգային գիտակրթական համալիրը (նախկինում՝ Երևանի Անանիա Շիրակացու անվան ճեմարանը) ստեղծվել է 1990թ.-ին՝ հնարավորություն տալով Հայաստանի, Սփյուռքի և արտասահմանի օժտված ու տաղանդավոր երեխաներին ստանալու լիարժեք և որակյալ կրթություն: Ճեմարանն իր հիմնադրման օրից իրականացնում է հեղինակային ծրագիր, որը մշակել է հեղինակային իրավունքի իրավատեր, կրթահամալիրի հիմնադիր տնօրեն Աշոտ Ալիխանյանը:
Այսօր Շիրակացու ճեմարանը միակն է Հայաստանում, որի բոլոր երեք՝ կրտսեր, միջին և ավագ դպրոցները հավաստագրված են համապատասխանաբար Միջազգային բակալավրիատի՝ Primary Years Programme, Middle Years Programme և Diploma Programme ծրագրերով:
Ճեմարանը 2010թ.-ից նաև «Ռաունդ Սքվեր» միջազգային դպրոցների համաշխարհային ասոցիացիայի լիիրավ անդամ է (տարածաշրջանում առաջինը):
Ճեմարանի՝ 1000 և ավելի շրջանավարտները սովորել և սովորում են Հայաստանի և աշխարհի առաջնակարգ բուհերում, նրանցից շատերը բարձրագույն դիրք և պաշտոններ են զբաղեցնում գիտության տարբեր բնագավառներում:

Anania Shirakatsy Lyceum

Org chart

Teams

Similar companies